ന്യൂഡൽഹി: ഭാരതത്തിലെ മുസ്ലീം ജന സമൂഹം രാമന്റെ പിന്തുടർച്ചക്കാരാണെന്ന് കേന്ദ്ര ചെറുകിട വ്യവസായ വകുപ്പ് സഹമന്ത്രി.
അതിനാൽ രാമക്ഷേത്രം പണിയുന്നതിന് മുസ്ലീം ജനങ്ങളുടെ സഹായം ഉണ്ടാവണമെന്നും അദ്ദേഹം ആവശ്യപ്പെട്ടു. ജോധ്പൂരിൽ മാധ്യമപ്രവർത്തകരോട് സംസാരിക്കുകയായിരുന്നു കേന്ദ്രമന്ത്രി.
രാജ്യത്തെ മുസ്ലീമുകൾ രാമന്റെ പിന്തുടർച്ചക്കാരാണ്. അവരാരും മുഗൾ ചക്രവർത്തി ബാബറിന്‍റെ മക്കളല്ല.
അവർ രാമന്റെ മക്കളാണ്. ആചാരങ്ങളിൽ മാത്രമേ ഇരുമതങ്ങളും തമ്മിൽ വ്യത്യാസമുള്ളുയെന്നും ഗിരിരാജ് സിംഗ് പറഞ്ഞു.
ഷിയ വഖഫ് ബോർഡ് രാമക്ഷേത്ര നിർമാണത്തിനായി മുന്നോട്ടു വന്നിട്ടുണ്ട്. ആഴ്ചകൾക്കകം തന്നെ സുന്നികളും ഇതേ നിലപാടിലേക്ക് എത്തുമെന്നാണ് പ്രതീക്ഷ. നമ്മുടെ മുൻതലമുറകൾക്കായി രാമക്ഷേത്രം നിർമിക്കണമെന്നും അദ്ദേഹം ആവശ്യപ്പെട്ടു.
