ശ്രീനഗര്‍: ജമ്മുകശ്്മീരില്‍ അര്‍ധസൈനികരുടെ വെടിവയ്പില്‍ യുവാവ് മരിച്ചു. ശ്രീനഗറിലെ ബാട്മാലുവിലായിരുന്നു സംഭവം. ബാരാമുള്ള ചാന്ദൂസ സ്വദേശി സജാദ് അഹമ്മദ് (23) ആണ് കൊല്ലപ്പെട്ടത്.
ബാട്മാലുവിലെ രെഖ ചൗക്കില്‍ ബിഎസ്എഫ് വാഹനത്തിനു നേര്‍ക്ക് കല്ലേറുനടത്തിയ ജനക്കൂട്ടത്തിനു നേര്‍ക്ക് സൈന്യം വെടിയുതിര്‍ക്കുകയായിരുന്നു. സംഭവത്തെ തുടര്‍ന്ന് പ്രദേശത്ത് സംഘര്‍ഷാവസ്ഥ നിലനില്‍ക്കുകയാണ്. പുല്‍വാമയില്‍ പോലീസുമായി ഏറ്റുമുട്ടിയ 20 വിദ്യാര്‍ഥികള്‍ക്ക് പരിക്കേറ്റു.
