കാലിഫോര്‍ണിയ: ലോക രണ്ടാം നമ്പര്‍ താരം ആന്‍ഡി മറേ ഇന്ത്യന്‍ വെല്‍സ് ഓപ്പണ്‍ മൂന്നാം റൗണ്ടില്‍ കടന്നു. സ്‌പെയിന്റെ മാര്‍സെല്‍ ഗ്രാനൊല്ലേഴ്‌സിനെ പരാജയപ്പെടുത്തിയാണ് മറേ മൂന്നാം റൗണ്ടില്‍ പ്രവേശിച്ചത്. നേരിട്ടുള്ള സെറ്റുകള്‍ക്കായിരുന്നു മറേയുടെ ജയം. സ്‌കോര്‍: 6-4, 7-6 (7-3). അടുത്ത റൗണ്ടില്‍ അര്‍ജന്റീനയുടെ ഫെഡറിക്കോ ഡല്‍ബോണിസിനെ മറേ നേരിടും.
വനിതാ വിഭാഗത്തില്‍ ബ്രിട്ടന്റെ ജോഹന കോണ്ടയും വിജയിച്ചു. മാഡിസണ്‍ ബ്രെംഗളിനെയാണു ജോഹന പരാജയപ്പെടുത്തിയത്. ഒരു മണിക്കൂര്‍ നാലു മിനിറ്റ് നീണ്ടു നിന്ന പോരാട്ടത്തില്‍ നേരിട്ടുള്ള സെറ്റുകള്‍ക്ക് അനായാസ ജയമാണു ജോഹന സ്വന്തമാക്കിയത്. സ്‌കോര്‍: 6-4, 6-0. അടുത്ത റൗണ്ടില്‍ ഡെനിസ അലര്‍ട്ടോവയെ ജോഹന നേരിടും.
