ഇന്‍സ്റ്റഗ്രാം സമ്പന്നരുടെ പട്ടികയിൽ (Instagram Rich List 2021) ഒന്നാമതെത്തി ഫുട്ബോൾ താരം ക്രിസ്റ്റ്യാനോ റൊണാൾഡോ.ഒരു പെയ്‌ഡ് പോസ്റ്റിന് റൊണാൾഡോയ്‌ക്ക് ലഭിക്കുന്നത് 11.9 കോടി രൂപയാണ്. കഴിഞ്ഞ വർഷം ഈ പട്ടികയിലെ മൂന്നാം സ്ഥാനക്കാരനായിരുന്നു റൊണാൾഡോ. ആദ്യമായാണ് ഒരു സ്പോർട്‌സ് താരം ഈ പട്ടികയിൽ ഒന്നാമതെത്തുന്നത്.
ഇന്ത്യയിൽ നിന്ന് ക്രിക്കറ്റ് താരം വിരാട് കോഹിലിയും ബോളിവുഡ് താരം പ്രിയങ്ക ചോപ്രയും പട്ടികയിൽ ഇടം നേടി. പട്ടികയിൽ പത്തൊമ്പതാമനായ കോഹ്‌ലിക്ക് ഒരു ഇൻസ്റ്റാ പോസ്റ്റിന് ലഭിക്കുന്ന പ്രതിഫലം 5 കോടി രൂപയാണ്. കഴിഞ്ഞ തവണ 23ആം സ്ഥാനത്തായിരുന്നു കോഹ്‌ലി.
27ആം സ്ഥാനത്തുള്ള പ്രിയങ്ക ചോപ്രയ്‌ക്ക് ലഭിക്കുന്നത് 3 കോടിയോളം രൂപയാണ്. ഫുട്ബോൾ താരം ലയണല്‍ മെസി പട്ടികയിൽ ഏഴാം സ്ഥാനത്താണ്. 8.21 കോടി രൂപയാണ് മെസിക്ക് ഒരോ പെയ്‌ഡ് പോസ്റ്റിനും ലഭിക്കുന്നത്. ഹോളിവുഡ് നടനും ഡബ്ളിയു ഡബ്ളിയു ഇ താരവുമായിരുന്ന ദി റോക്ക് എന്നറിയപ്പെടുന്ന ഡെയ്‌ൻ ജോൺസൻ ആണ് രണ്ടാം സ്ഥാനത്ത്.
