നാഷ്വില്ലെ: കോണ്‍കകാഫ് കപ്പ് ഫുട്‌ബോള്‍ പ്രീക്വാര്‍ട്ടര്‍ ആദ്യ പാദത്തില്‍ ഇന്റര്‍ മയാമിക്ക് സമനില. നാഷ്വില്ലെയ്‌ക്കെതിരായ മത്സരത്തില്‍ ഇരുടീമുകളും രണ്ട് ഗോള്‍ വീതം നേടി. നാഷ്വില്ലെയ്ക്കായി ജേക്കബ് ഷാഫല്‍ബര്‍ഗ് ഇരട്ട ഗോള്‍ നേടി. മയാമിക്കായി ലയണല്‍ മെസ്സിയും ലൂയിസ് സുവാരസും മറുപടി നല്‍കി.
രണ്ടാം പകുതിയും നാഷ്വില്ലെ ഗോളോടെയാണ് തുടക്കമിട്ടത്. 47-ാം മിനിറ്റില്‍ ജേക്കബ് ഷാഫല്‍ബര്‍ഗ് ഗോള്‍ നേട്ടം രണ്ടാക്കി ഉയര്‍ത്തി. 52-ാം മിനിറ്റില്‍ ഇന്റര്‍ മയാമി തിരിച്ചടിക്ക് തുടക്കമിട്ടു. സാക്ഷാല്‍ ലയണല്‍ മെസ്സി തന്നെ ഗോള്‍ അടിച്ചു. പിന്നെ സമനില ഗോളിനായി പോരാട്ടം തുടര്‍ന്നു. ഇതിനിടെ 83-ാം മിനിറ്റില്‍ നാഷ്വില്ലെ വീണ്ടും വലചലിപ്പിച്ചു. എങ്കിലും ഓഫ്‌സൈഡില്‍ കുരുങ്ങി.ഒടുവില്‍ 95-ാം മിനിറ്റില്‍ മയാമി ആരാധകര്‍ കാത്തിരുന്ന നിമിഷമെത്തി. സെര്‍ജിയോ ബുസ്‌കെറ്റ്‌സിന്റെ പാസില്‍ ലൂയിസ് സുവാരസിന്റെ തകര്‍പ്പന്‍ ഹെഡര്‍ പന്ത് വലയിലെത്തിച്ചു. ഇതോടെ മത്സരം സമനിലയിലെത്തിക്കാന്‍ മെസ്സിക്കും സംഘത്തിനും കഴിഞ്ഞു
മത്സരത്തിന്റെ തുടക്കത്തില്‍ തന്നെ നാഷ്വില്ലെ മുന്നിലെത്തി. നാലാം മിനിറ്റില്‍ ജേക്കബ് ഷാഫല്‍ബര്‍ഗ് മയാമിപ്പടയെ പിന്നിലാക്കി. പിന്നാലെ ആദ്യ പകുതിയില്‍ തിരിച്ചുവരവിനായി മെസ്സിയും സംഘവും നിരവധി ശ്രമങ്ങള്‍ നടത്തി. എന്നാല്‍ വലചലിപ്പിക്കാന്‍ മയാമിക്ക് കഴിഞ്ഞില്ല. ഇതോടെ ആദ്യ പകുതിയില്‍ നാഷ്വില്ലെ ഒരു ഗോളിന് ലീഡ് ചെയ്തു.
