കാഠ്മണ്ഡു: കാഠ്മണ്ഡുവില്‍ വിമാനം റണ്‍വേയില്‍ നിന്ന് തെന്നിമാറി. ക്വാലലംപുരിലേക്ക് പുറപ്പെട്ട മലിന്‍ഡോ എയറിന്റെ ബോയിംഗ് 737 വിമാനമാണ് അപകടത്തില്‍പ്പെട്ടത്. തലനാരിഴയ്ക്കാണ് വന്‍ ദുരന്തം ഒഴിവായത്. യാത്രക്കാരെല്ലാം സുരക്ഷിതരാണ്.
ത്രിബുവന്‍ രാജ്യാന്തര വിമാനത്താവളത്തിലാണ് സംഭവം. ആര്‍ക്കും പരുക്കില്ലെന്ന് അധികൃതര്‍ അറിയിച്ചു. സംഭവത്തെ തുടര്‍ന്ന് വിമാനത്താവളം താത്കാലിമായി അടച്ചിട്ടിരിക്കുകയാണ്. പല വിമാനങ്ങളും വൈകുമെന്നാണ് റിപ്പോര്‍ട്ടുകള്‍.
