കൊല്‍ക്കത്ത: ഐ.എസ്.എല്‍ ടീമുകളെ പ്രഖ്യാപിച്ചു. അടുത്ത സീസണ്‍ മുതല്‍ ഇന്ത്യന്‍ സൂപ്പര്‍ ലീഗ് ഫുട്ബോളില്‍ പത്ത് ടീമുകള്‍ കളിക്കും.
ഐ-ലീഗ് ടീമായ ബെംഗളൂരു എഫ്.സിയുടെ ഉടമസ്ഥരായ ജെ.എസ്.ഡബ്ല്യുവിന്റെയും ടാറ്റയുടെയും ടീമുകളായിരിക്കും പുതുതായി ഐ.എസ്.എല്ലില്‍ എത്തുന്നത്.
ഐ-ലീഗ് ടീമുകളായ മോഹന്‍ ബഗാനും ഈസ്റ്റ് ബംഗാളും ലേലത്തില്‍ നിന്ന് പിന്മാറിയതോടെയാണ് പുതിയ ടീമുകളുടെ എണ്ണം രണ്ടില്‍ ഒതുങ്ങിയത്.
തിരുവനന്തപുരം ആസ്ഥാനമാക്കി കേരളത്തില്‍ നിന്ന് ടീം വരുമെന്ന് പറഞ്ഞിരുന്നെങ്കിലും യാഥാര്‍ത്ഥ്യമായില്ല. നിലവില്‍ കേരളത്തില്‍ നിന്ന് കേരള ബ്ലാസ്റ്റേഴ്സ് ഐ.എസ്.എല്ലില്‍ കളിക്കുന്നുണ്ട്.
