ഹൈദരാബാദ്: മൊഹാലിയിലേറ്റ തോല്‍വിക്ക് പകരം വീട്ടാന്‍ സണ്‍റൈസേഴ്‌സ് ഹൈദരാബാദ് ഇന്ന് പോര്‍മുഖത്തിലേക്ക്.
മൊഹാലിയില്‍ ക്രിസ് ഗെയ്‌ലിന്റെ ബാറ്റിങ് വെട്ടിക്കെട്ടിന്റെ മികവിലാണ് പഞ്ചാബ് ഹൈദരാബാദിനെ തകര്‍ത്തത്. ഇതിന് പകരം വീട്ടാനാകും ഹൈദരാബാദ് ഇന്നിറങ്ങുക.
തുടര്‍ച്ചയായ തോല്‍വികളില്‍ നിന്ന് കരകയറി മുംബൈക്കെതിരെ നേടിയ 118 റണ്‍സ് വിജയം നല്‍കിയ കരുത്തിലാകും ഹൈദരാബാദ് ഇറങ്ങുക.
രണ്ട് വിക്കറ്റോടെ തുടങ്ങിയ മലയാളി താരം ബേസില്‍ തമ്പി ടീമില്‍ തുടര്‍ന്നേക്കും. ആറ് കളിയില്‍ അഞ്ചിലും ജയിച്ച പഞ്ചാബ് ഒത്തിണക്കമുള്ള ടീമായിക്കഴിഞ്ഞു. ഗെയ്ല്‍ പരുക്ക് മാറി തിരിച്ചെത്തുമെന്നാണ് ക്യാപ്റ്റന്‍ ആര്‍. അശ്വിന്റെ പ്രതീക്ഷ. യുവരാജ് സിംഗ് ഒഴികെ എല്ലാവരും ഫോമില്‍. കെ.എല്‍. രാഹുല്‍ എതിരാളികളുടെ നോട്ടപ്പുള്ളിയായിക്കഴിഞ്ഞു. ഇരുടീമും ഇതിന് മുമ്പ് ഏറ്റുമുട്ടിയത് പതിനൊന്ന് കളിയില്‍. എട്ടില്‍ ഹൈദരാബാദും മൂന്നില്‍ പഞ്ചാബും ജയിച്ചു.
