ഐഎസ്എല്ലില്‍ ഇന്ന് ചെന്നൈയിനും ഡല്‍ഹി ഡൈനാമോസും തമ്മില്‍ ഏറ്റുമുട്ടും. അവസാന സ്ഥാനക്കാരായ രണ്ട് ടീമുകളാണ് ഇവര്‍. ഡെല്‍ഹി സീസണില്‍ ഒരു ജയം വരെ ഇല്ലാതെ അവസാന സ്ഥാനത്താണ് ഇപ്പോള്‍. ആദ്യ ജയം ഇന്നെങ്കിലും നേടാന്‍ കഴിയുമെന്നാണ് ഡല്‍ഹിയുടെ പ്രതീക്ഷ.
ഇന്ന് സസ്‌പെന്‍ഷനില്‍ ഉള്ള നാരായണ്‍ ദാസും, പരുക്കേറ്റ കാര്‍മോണയും ഇല്ലാതെ ആകും ഡല്‍ഹി കളിക്കാന്‍ ഇറങ്ങുക. ഡല്‍ഹി ഡൈനാമോസിനും ചെന്നൈയിനും ലീഗ് ഇടവേളയ്ക്ക് പിരിയും മുന്നേയുള്ള അവസാന മത്സരവും ഇതാകും. ഡല്‍ഹിക്ക് ഒരു ജയം പോലും ഇല്ലായെങ്കില്‍ ചെന്നൈയിന് ലീഗില്‍ ആകെ ഒരു ജയമേ ഉള്ളൂ. പൂനെ സിറ്റിക്ക് എതിരെ ആയിരുന്നു ചെന്നൈയിന്റെ ലീഗിലെ ഏക ജയം വന്നത്.
