മഡ്ഗാവ്: ഐഎസ്എല്‍ ഫുട്‌ബോളില്‍ എഫ്സി ഗോവയും ഹൈദരാബാദ് എഫ്സിയും നാളെ നേര്‍ക്കുനേര്‍. വൈകീട്ട് 7.30നാണ് കളി ആരംഭിക്കുക.
30 പോയിന്റാണ് ഗോവയ്ക്കും എടികെയ്ക്കും ഉള്ളത്. എന്നാല്‍ ഗോള്‍ശരാശരിയില്‍ എടികെ ആണ് ഒന്നാം സ്ഥാനത്തുള്ളത്. നാളത്തെ മത്സരത്തില്‍ വിജയിച്ചാല്‍ ഗോവയ്ക്ക് മുന്നിലെത്താന്‍ സാധിക്കും.
പരിശീലകന്‍ സെര്‍ജിയോ ലൊബേറോയെ അപ്രതീക്ഷിതമായി പുറത്താക്കിയ ശേഷം ഗോവയുടെ ആദ്യ മത്സരം ആണിത്. 15 കളിയില്‍ ആറ് പോയിന്റുമായി ഹൈദരാബാദ് അവസാനമാണുളളത്.
