മുംബൈ : ഐഎസ്എല്‍ ഇന്ത്യന്‍ ഫുട്‌ബോളിന് ലഭിച്ച മികച്ച സംഭാവനയാന്നെന്നും, ഫുട്‌ബോളിനെ മികച്ചതാക്കാൻ ഇന്ത്യന്‍ സൂപ്പര്‍ ലീഗിന് കഴിയുമെന്നും മലയാളിയും പ്രശസ്ത ഫുട്‌ബോള്‍ താരവുമായ ഐഎം വിജയന്‍.
മുംബൈയില്‍ ഐഎസ്എല്‍ പ്രതിനിധികളുമായി സംസാരിക്കവെയാണ് ഇന്ത്യന്‍ ഫുട്‌ബോളിനെക്കുറിച്ചും ഐഎസ്എല്ലിനെക്കുറിച്ചും ഐഎം വിജയന്‍ സംസാരിച്ചത്.
ഈ കാലഘട്ടത്തിലെ ഫുട്‌ബോള്‍ കളിക്കാര്‍ക്ക് മികച്ച പരിശീലനമാണ് ലഭിക്കേണ്ടത്. തന്റെയൊക്കെ ചെറുപ്പത്തില്‍ ലഭിച്ചിരുന്ന പരിശീലനവുമായി താരതമ്യം ചെയ്യുമ്പോള്‍ ഇപ്പോള്‍ ലഭിക്കുന്ന പരിശീലനം മികച്ചതാണ്.
നാട്ടിലാണ് ഞാന്‍ ഫുട്‌ബോള്‍ കളിച്ചു വളർന്നത്. അന്ന് ടാറ്റ ഫുട്‌ബോള്‍ അക്കാദമിയെന്ന ഒരു അക്കാദമി മാത്രമേ ഉണ്ടായിരുന്നുള്ളു. ഇപ്പോള്‍ നല്ല പരിശീലനങ്ങൾക്ക് നിരവധി അക്കാദമികളും, അവസരങ്ങളും ഉണ്ട്.
ഫുട്‌ബോളിന് വേണ്ടി സമയം ചെലവഴിക്കുന്നവര്‍ക്ക് നല്ലൊരു കളിക്കാരനാകാന്‍ ഉള്ള എല്ലാ അവസരങ്ങളും നിലവിൽ ഉണ്ടെന്നും അദ്ദേഹം പറഞ്ഞു.
