ഐഎസ്എല്‍ സീസണിന്റെ ഉദ്ഘാടന മത്സരത്തിലും എടികെ മോഹന്‍ബഗാനും കേരള ബ്ലാസ്റ്റേഴ്‌സും തമ്മില്‍ ഏറ്റുമുട്ടുമെന്ന് റിപ്പോര്‍ട്ട്. നവംബര്‍ 19നാണ് ഐഎസ്എല്‍ സീസണ്‍ ആരംഭിക്കുക. ഫറ്റോര്‍ഡ സ്റ്റേഡിയത്തില്‍ വച്ചാണ് ഉദ്ഘാടന മത്സരം. കഴിഞ്ഞ മൂന്ന് സീസണുകളിലും കേരള ബ്ലാസ്റ്റേഴ്‌സും എടികെ മോഹന്‍ബഗാനും തമ്മിലായിരുന്നു ഉദ്ഘാടന മത്സരം.
വരുന്ന സീസണിലും ഐഎസ്എല്‍ ഗോവയില്‍ തന്നെ നടന്നേക്കും എന്നാണ് റിപ്പോര്‍ട്ട്. രാജ്യത്തെ കൊവിഡ് വ്യാപനം പരിഗണിച്ച് ഒരു സ്ഥലത്ത് തന്നെ ഇത്തവണയും ഐഎസ്എല്‍ നടത്തിയേക്കുമെന്നാണ് റിപ്പോര്‍ട്ട്. കഴിഞ്ഞ സീസണ്‍ ഗോവയിലാണ് നടത്തിയത്.
അതുകൊണ്ട് തന്നെ ഇത്തവണയും മത്സരങ്ങള്‍ ഗോവയില്‍ തന്നെ നടക്കുമെന്ന് സൂചനയുണ്ട്. ഗോവയ്‌ക്കൊപ്പം കൊല്‍ക്കത്തയും സംഘാടകര്‍ പരിഗണിക്കുന്നുണ്ട്.
