മുംബൈ: ഐഎസ്എല്‍ ക്ലബ് മുംബൈ സിറ്റി എഫ്സി പരിശീലകന്‍ യോര്‍ഗെ കോസ്റ്റയെ പുറത്താക്കി. ഈ സീസണില്‍ സിറ്റി പ്ലേ ഓഫിന് യോഗ്യത നേടാത്തതാണ് പരിശീലകനെ പുറത്താക്കാനുള്ള കാരണം.
അതോടൊപ്പം സഹപരിശീലകരായ മാര്‍ക്കോ ലെറ്റേയും പെഡ്രോ മിഖായേല്‍ കൊറിയയും ടീമില്‍ തുടരില്ലെന്നും മുംബൈ സിറ്റി വ്യക്തമാക്കിയിട്ടുണ്ട്. യോര്‍ഗെ കോസ്റ്റ രണ്ട് സീസണുകളില്‍ മുംബൈയുടെ പരിശീലകനായിരുന്നു.
ഈ പ്രവശ്യം അഞ്ചാംസ്ഥാനത്താണ് മുംബൈ സിറ്റി എഫ്സി ഫിനിഷ് ചെയ്തത്. എഫ്സി ഗോവ(39), എടികെ(34), ബെംഗളൂരു എഫ്സി(30), ചെന്നൈയിന്‍ എഫ്സി(29) തുടങ്ങിയ ടീമുകളാണ് പ്ലേ ഓഫിലെത്തിയത്.
