ഹൈദരാബാദ്: നിലവിലെ ചാമ്പ്യന്മാരായ ഐസോള്‍ എഫ്സിക്ക് ചെന്നൈ സിറ്റിക്കെതിരെ തകര്‍പ്പന്‍ ജയം. രാജീവ് ഗാന്ധി സ്റ്റേഡിയത്തില്‍ നടന്ന മത്സരത്തില്‍ എതിരില്ലാത്ത രണ്ടു ഗോളുകള്‍ക്ക് ചെന്നൈ സിറ്റിയെ പരാജയപ്പെടുത്തുകയായിരുന്നു.
26-ാം മിനിറ്റില്‍ പെനാല്‍റ്റി യുഗോ കൊബായാഷി എളുപ്പത്തില്‍ വലയിലേക്കെത്തിക്കുകയായിരുന്നു. അദ്യ ഗോളിനു പിന്നാലെ ഡേവിഡ് ലാല്‍റിമുവന മറ്റൊരു ഗോളും നേടിയതോടെ ഐസോള്‍ വിജയം ഉറപ്പിച്ചു.
ഐ ലീഗില്‍ 7 മത്സരങ്ങള്‍ പൂര്‍ത്തിയാക്കിയ ഐസോള്‍ 13 പോയിന്റുമായി നിലവില്‍ ആറാം സ്ഥാനത്താണ്. 10 മത്സരങ്ങള്‍ കളിച്ച ചെന്നൈ സിറ്റി 9 പോയിന്റുമായി എട്ടാം സ്ഥാനത്തുമാണ്.
