സിനിമ റിവ്യൂ വിഷയത്തില്‍ ഇടപെട്ട് ഹൈക്കോടതി. സിനിമ റിലീസ് ചെയ്ത് 7 ദിവസം വരെ റിവ്യൂ പാടില്ലെന്ന് പറഞ്ഞിട്ടില്ലെന്ന് ഹൈക്കോടതി വ്യക്തമാക്കി. സിനിമാ വ്യവസായത്തെ നശിപ്പിക്കരുതെന്നും കോടതി ആവശ്യപ്പെട്ടിട്ടുണ്ട്. പ്രൊഡ്യൂസേഴ്സ് അസോസിയേഷന്‍ ഇത്രകാലം എന്ത് ചെയ്തുവെന്ന് കോടതി ചോദിച്ചു.
കോടതി ഇടപെട്ടപ്പോള്‍ മാത്രമാണ് പ്രൊഡ്യൂസേഴ്സ് അസോസിയേഷന്‍ രംഗത്തുവന്നതെന്നും കോടതി വിമര്‍ശിച്ചു. ഫോണ്‍ കൈയില്‍ ഉണ്ടെങ്കില്‍ എന്തും ചെയ്യാമെന്ന അവസ്ഥയാണ്. ബ്ലാക്ക്മെയില്‍ ചെയ്യുന്ന വ്ളോഗര്‍മാര്‍ മാത്രമാണ് ഉത്തരവിനെ പേടിക്കേണ്ടതെന്നും കോടതി പറഞ്ഞു. ജയിലില്‍ പോകാന്‍ തയാറാണെന്നു വിളിച്ചുപറയുന്ന വ്ളോഗര്‍മാര്‍ അങ്ങനെ പൊകട്ടെയെന്ന് കോടതി വ്യക്തമാക്കി.
