കോഴിക്കോട്: സദ്ഭരണമുള്ള ഒരു മാവേലിനാടിനെ സ്വപ്നം കാണാമെന്ന് ഡിജിപി ജേക്കബ് തോമസ്. ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം പറഞ്ഞത്.
അധികാരം അഴിമതിക്ക് കളമൊരുക്കുന്നെങ്കിലും ഭയമല്ലേ അഴിമതിക്ക് വളമാകുന്നതെന്ന് അദ്ദേഹം പുതിയ പോസ്റ്റിലൂടെ ചോദിച്ചു. ലോക അഴിമതി വിരുദ്ധ ദിനത്തില്‍ സദ്ഭരണമുള്ള മാവേലി നാടിനെ സ്വപ്നം കാണാമെന്നും അദ്ദേഹം പറയുന്നു. കത്തിച്ചു വച്ച മണ്‍ചെരാതിന്റെ ചിത്രത്തോടെയാണ് ഡിജിപിയുടെ ഫേസ്ബുക്ക് പോസ്റ്റ്.
സര്‍ക്കാരിനെതിരെ പരസ്യവിമര്‍ശനം നടത്തിയെന്ന ആരോപണത്തിന്‍ മേല്‍ ജേക്കബ് തോമസിനെതിരെ നടപടിയെടുക്കേണ്ടതില്ലെന്ന് ചീഫ് സെക്രട്ടറി റിപ്പോര്‍ട്ട് നല്‍കിയതിന് പിന്നാലെയാണ് ജേക്കബ് തോമസിന്റെ പുതിയ ഫേസ്ബുക്ക് പോസ്റ്റ്.
