ബോളിവുഡ് നടി ജാക്വലിന്‍ ഫെര്‍ണാണ്ടസ് നായികയാക്കി ഷിരീഷ് കുന്ദര്‍ തിരക്കഥയെഴുതി സംവിധാനം ചെയ്യുന്ന ഏറ്റവും പുതിയ ഡിജിറ്റല്‍ ചിത്രമായ മിസ്സിസ് സീരിയല്‍ കില്ലര്‍ നെറ്റ്ഫ്‌ളിക്‌സില്‍ റിലീസ് ചെയ്യുന്നു.
കിക്ക് (2014), ജൂടുവാ 2 (2017) തുടങ്ങിയ ബ്ലോക്ക്ബസ്റ്ററുകളിലൂടെ ബോളിവുഡില്‍ തന്റേതായ സ്ഥാനം നേടിയ ശ്രീലങ്കന്‍ നടിയാണ് ജാക്വിലിന്‍.താരത്തിന്റെ രണ്ടാമത്തെ ഡിജിറ്റല്‍ ചിത്രമാണിത്.
ജാക്വലിന്‍ ഫെര്‍ണാണ്ടസിനെ കൂടാതെ മനോജ് ബാജ്‌പേയി, മോഹിത് റെയ്‌ന എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. മാത്രമല്ല അമീര്‍ഖാന്റെ മരുമകള്‍ സെയ്ന്‍ മേരി ഈ ചിത്രത്തിലൂടെ അരങ്ങേറ്റം കുറിക്കുന്നു എന്നൊരു പ്രത്യേകതയുമുണ്ട്.
ചിത്രത്തിലെ ടൈറ്റില്‍ റോളില്‍ എത്തുന്നത് ജാക്വിലിന്‍ ആണ്. ചിത്രം നിമിച്ചിരിക്കുന്നത് ഫറാ ഖാന്‍ ആണ്.
സീരിയല്‍ കൊലപാതകത്തിന് തന്റെ ഭര്‍ത്താവിനെ തടവിലാക്കുമ്പോള്‍ ഭര്‍ത്താവ് നിരപരാധിയാണെന്ന് തെളിയിക്കാന്‍ ഭാര്യ സീരിയല്‍ കില്ലറിനെപ്പോലെ കൊലപാതകങ്ങള്‍ ചെയ്യുന്നതാണ് ചിത്രം.
