ഏഴു വര്‍ഷത്തെ നീണ്ട ഇടവേളയ്ക്ക് ശേഷം അഭിനയ രംഗത്തേക്ക് തിരിച്ചെത്തിയിരിക്കുകയാണ് ജഗതി ശ്രീകുമാര്‍. തൃശൂര്‍ ചാലക്കുടിയിലുള്ള വാട്ടര്‍ തീം പാര്‍ക്കിന്റെ പരസ്യത്തിലാണ് ജഗതി ആദ്യം അഭിനയിച്ചത്. കബീറിന്റെ ദിവസങ്ങള്‍ എന്ന ചിത്രത്തിലും ജഗതി വേഷമിട്ടു. ഈ ചിത്രം ഉടന്‍ തിയറ്ററുകളിലെത്തും.
കെ മധുവിന്റെ സംവിധാനത്തില്‍ ഒരുങ്ങുന്ന സിബി ഐ സീരീസിലെ അഞ്ചാം ചിത്രത്തിലും ജഗതി ഭാഗമാകുമെന്നാണ് സൂചന. അടുത്തിടെ ഒരു അഭിമുഖത്തില്‍ രാജ് കുമാര്‍ പറഞ്ഞു. മമ്മൂട്ടി സേതുരാമയ്യര്‍ ആയി വീണ്ടുമെത്തുന്ന ചിത്രത്തിന്റെ തിരക്കഥ ഏറക്കുറേ പൂര്‍ത്തിയായന്നൊണ് സൂചന.
2012 മാര്‍ച്ച് മാസം കോഴിക്കോട് തേഞ്ഞിപ്പലത്ത് വച്ചുണ്ടായ വാഹനാപകടത്തെ തുടര്‍ന്ന് ഗുരുതരമായി പരുക്കേറ്റ ജഗതി ഏറെക്കാലത്തെ ചികിത്സയ്ക്ക് ശേഷം ചെറുതായി സംസാര ശേഷി വീണ്ടെടുത്തിട്ടുണ്ട്. സിനിമാ മേഖലയുമായി ബന്ധപ്പെട്ട വാര്‍ത്തകളും പഴയ സഹപ്രവര്‍ത്തകരുടെ വരവുമെല്ലാം ജഗതിയില്‍ സൃഷ്ടിച്ച ഗുണപരമായ മാറ്റം കണക്കിലെടുത്ത് ഡോക്റ്ററുടെ നിര്‍ദേശ പ്രകാരമാണ് ജഗതിയെ വീണ്ടും സിനിമയില്‍ എത്തിച്ചിട്ടുള്ളത്. ഹാസ്യ താരമായും സ്വഭാവ നടനായും തിളങ്ങിയിട്ടുള്ള ജഗതി ശ്രീകുമാറാണ് മലയാളത്തില്‍ ഏറ്റവുമധികം ചിത്രങ്ങളില്‍ വേഷമിട്ടിട്ടുള്ള താരം.
