ശ്രീനഗര്‍: ജമ്മു കശ്മീര്‍ ബാരമുള്ളയില്‍ ഭീകരരും സൈന്യവും തമ്മില്‍ ഏറ്റുമുട്ടല്‍. ഏറ്റുമുട്ടലില്‍ ഭീകരന്‍ കൊല്ലപ്പെട്ടു. പുല്‍വാമയിലെ ബാബ്ഗുഡ് മേഖലയില്‍ ശനിയാഴ്ച രാവിലെയായിരുന്നു സംഭവം. ഏറ്റുമുട്ടല്‍ ഇപ്പോഴും തുടരുകയാണ്. സൈന്യത്തിന്റെ സുരക്ഷാ പോസ്റ്റ് അക്രമിക്കാനുള്ള ഭീകരരുടെ ശ്രമമാണ് ഏറ്റുമുട്ടലിലേക്ക് നയിച്ചതെന്നാണ് റിപ്പോര്‍ട്ടുകള്‍.
ഭീകരനില്‍നിന്നും ആയുധങ്ങളും സ്ഫോടക വസ്തുകളും സൈന്യം പിടിച്ചെടുത്തു. ഭീകരനെ തിരിച്ചറിഞ്ഞിട്ടില്ലെന്നും പ്രദേശത്ത് കൂടുതല്‍ പരിശോധനകള്‍ നടത്തിവരികയാണെന്നും സൈനിക വൃത്തങ്ങള്‍ അറിയിച്ചു. ചിലര്‍ക്ക് പരുക്കേറ്റതായും സ്ഥിരീകരിക്കാത്ത വിവരമുണ്ട്. കൂടുതല്‍ വിവരങ്ങള്‍ ലഭ്യമായിട്ടില്ല.
