ശ്രീനഗര്‍: ജമ്മു-കശ്മീരിലെ കുല്‍ഗാമില്‍ ഏറ്റുമുട്ടലിനിടെ സൈന്യം മൂന്ന് ഭീകരരെ വധിച്ചു. ഏറ്റുമുട്ടലില്‍ ഡിവൈഎസ്പി വീരമൃത്യു വരിച്ചു. അമന്‍ താക്കൂറാണ് ഭീകരരുമായുള്ള ഏറ്റുമുട്ടലില്‍ വീരമൃത്യു വരിച്ചത്. മേജര്‍ ഉള്‍പ്പെടെ നാല് സൈനികര്‍ക്ക് പരിക്കേല്‍ക്കുകയും ചെയ്തു.
പ്രദേശത്ത് ഭീകരര്‍ ഒളിച്ചിരിക്കുന്നുണ്ടെന്ന രഹസ്യ വിവരത്തെ തുടര്‍ന്ന് ഒളിത്താവളം സൈന്യം വളയുകയായിരുന്നു. ആര്‍മി, സിആര്‍പിഎഫ്, പ്രത്യേക സുരക്ഷാ സേന തുടങ്ങിയവര്‍ നടത്തിയ തെരച്ചിലിനിടെ ഭീകരര്‍ സൈന്യത്തിന് നേര്‍ക്ക് വെടിയുതിര്‍ക്കുകയായിരുന്നു.
