ഷോപ്പിയാന്‍: ജമ്മുകശ്മീരിലെ ഷോപ്പിയാനില്‍ നടന്ന ഏറ്റുമുട്ടലില്‍ രണ്ട് ഭീകരരെ സൈന്യം വധിച്ചു. ജമ്മു കശ്മീരിലെ മൂന്നിടങ്ങളില്‍ ഏറ്റുമുട്ടല്‍ ഇപ്പോഴും തുടരുകയാണ്. ഷോപ്പിയാന്‍, അനന്ത്‌നാഗ്, പുല്‍വാമ എന്നിവിടങ്ങളിലാണ് ഏറ്റുമുട്ടല്‍.
ഇവിടങ്ങളില്‍ ഭീകരവാദികളുണ്ടെന്ന വിവരത്തിന്റെ അടിസ്ഥാനത്തില്‍ സൈന്യം തിരച്ചില്‍ നടത്തുകയായിരുന്നു. സൈന്യം തിരച്ചില്‍ നടത്തുന്ന ഘട്ടത്തില്‍ ഭീകരവാദികള്‍ വെടിയുതിര്‍ക്കുകയായിരുന്നു.
സംയുക്തസേനയാണ് തിരച്ചില്‍ നടത്തിയത്. സേനാവിഭാഗങ്ങളും സിആര്‍പിഎഫും പൊലീസുമൊക്കെ സംയുക്ത സേനയിലുണ്ട്. ഇപ്പോഴും ഇവിടെ തിരച്ചില്‍ തുടരുകയാണ്.
അതേസമയം കരസേനാ മേധാവി നരവനെ കശ്മീരില്‍ തുടരുകയാണ്. അദ്ദേഹം ഇവിടങ്ങളില്‍ നേരിട്ട് സന്ദര്‍ശനം നടത്തി സ്ഥിതിഗതികള്‍ വിലയിരുത്തും.
