ലീഡ്‌സ്: ഏകദിന ക്രിക്കറ്റില്‍ നൂറു വിക്കറ്റ് നേട്ടവുമായി ഇന്ത്യന്‍ പേസര്‍ ജസ്പ്രീത് ബുംറ. ലോകകപ്പില്‍ ശ്രീലങ്കയ്‌ക്കെതിരായ മത്സരത്തിലാണ് ബുംറ നേട്ടത്തിലെത്തിയത്. ലങ്കന്‍ ഓപ്പണറും ക്യാപ്റ്റനുമായ ദിമുത് കരുണ രത്‌നെയ്ക്കാണ് ബുംറയുടെ നൂറാം വിക്കറ്റിനെ തടയാന്‍ കഴിയാതിരുന്നത്.
57 മത്സരത്തില്‍ നിന്ന് 21.78 ശരാശരയിലാണ് ബുംറ 100 വിക്കറ്റുകള്‍ പിഴുതത്. ഒരു തവണ അഞ്ച് വിക്കറ്റ് നേട്ടം കൊയ്ത ബുംറയുടെ മികച്ച പ്രകടനം 27 റണ്‍സ് വഴങ്ങി അഞ്ച് വിക്കറ്റ് നേടിയതാണ്.
ടെസ്റ്റില്‍ 10 മത്സരങ്ങളില്‍ നിന്ന് 49 വിക്കറ്റും ട്വന്റി-20യില്‍ 42 മത്സരങ്ങളില്‍ നിന്ന് 51 വിക്കറ്റും ഈ വലംകൈയന്‍ പേസര്‍ നേടിയിട്ടുണ്ട്.
