റാഞ്ചി: ജാര്‍ഖണ്ഡില്‍ മാവോയിസ്റ്റുകളുടെ കുഴിബോംബ് ആക്രമണത്തില്‍ പതിനൊന്ന് ജവാന്മാര്‍ക്ക് പരിക്കേറ്റു. സാരായ് കേല മേഖലയ്ക്ക് സമീപമുള്ള വനത്തിലാണ് ആക്രമണം ഉണ്ടായത്.
ആക്രമണത്തില്‍ കോബ്ര ബറ്റാലിയനിലെ എട്ട് ജവാന്മാര്‍ക്കും മൂന്ന് പൊലീസുകാര്‍ക്കുമാണ് പരിക്കേറ്റത്. അന്വേഷണ സംഘം തെരച്ചില്‍ നടത്തുന്നതിനിടെയായിരുന്നു ആക്രമണം ഉണ്ടായത്.
കുഴിബോംബ് പൊട്ടിത്തെറിച്ചതിന് പിന്നാലെ മാവോയിസ്റ്റുകള്‍ സുരക്ഷാജീവനക്കാര്‍ക്ക് നേരെ വെടിയുതിര്‍ത്തു. പരിക്കേറ്റ ജവാന്മാരെ റാഞ്ചിയിലെ ആശുപത്രിയിലെത്തിച്ചു.
