അന്തരിച്ച വി.പി സത്യന്‍ എന്ന ഫുട്‌ബോള്‍ പ്രതിഭയുടെ ജീവിതകഥയെ ആസ്പദമാക്കി ഒരുക്കുന്ന ക്യാപ്റ്റന്‍ ഫെബ്രുവരി 16ന് തിയേറ്ററുകളിലെത്തും. ജയസൂര്യയെ നായകനാക്കി പ്രജേഷ് സെന്‍ ആണ് ചിത്രം സംവിധാനം ചെയ്യുന്നത്. അനുസിത്താരയാണ് ചിത്രത്തില്‍ നായികയായി എത്തുന്നത്.
കേരള ഫുട്‌ബോളിനും ഇന്ത്യന്‍ ഫുട്‌ബോളിനും മികച്ച കാലഘട്ടം സമ്മാനിച്ച ഇന്ത്യന്‍ ഫുട്‌ബോള്‍ ടീമിന്റെ ക്യാപ്റ്റനായിരുന്ന സത്യന്റെ ജീവിതം വെള്ളിത്തിരയില്‍ എത്തിക്കുവാന്‍ മികച്ച തയ്യാറെടുപ്പുകളാണ് ജയസൂര്യ നടത്തിയത്. ഇതിനായി ഫുട്‌ബോള്‍ പരിശീലനത്തിലും താരം ഏര്‍പ്പെട്ടിരുന്നു.
