ജയസൂര്യയുടെ കരിയറിലെ ഏറ്റവും മികച്ച കഥാപാത്രങ്ങളിലൊന്നായ പുണ്യാളന്‍ അഗര്‍ബത്തീസിലെ ജോയ് താക്കോല്‍ക്കാരന്‍ വീണ്ടും തിയേറ്ററുകളിൽ എത്തുന്നു.
ജോയ് താക്കോൽക്കാരനും,അഭയകുമാറും, ഗ്രീനുവും കൂടെ പുതിയ കിടു ടീംസും കൂടി ഒരു അടി പൊളി ഐറ്റവുമായാണ് എത്തുന്നത്.
ജയസൂര്യ നായകനാകുന്ന പുണ്യാളന്‍ പ്രൈവറ്റ് ലിമിറ്റഡിന്റെ പുതിയ പോസ്റ്റർ എത്തി.
രഞ്ജിത്ശങ്കറാണ് ചിത്രം സംവിധാനം ചെയ്യുന്നത്.
പുണ്യാളന്‍ അഗര്‍ബത്തീസിന്റെ രണ്ടാം ഭാഗമാണ് പുണ്യാളന്‍ പ്രൈവറ്റ് ലിമിറ്റഡ്.
‘പ്രേതം’,‘സണ്‍ഡേ ഹോളിഡേ’ എന്നീ ചിത്രങ്ങളിലൂടെ ശ്രദ്ധേയയായ ശ്രുതി രാമചന്ദ്രനാണ് ചിത്രത്തിലെ നായിക.
പുണ്യാളന്‍ പ്രൈവറ്റ് ലിമിറ്റഡിന്റെ വിതരണവും ജയസൂര്യ-രഞ്ജിത്ശങ്കര്‍ ടീമാണ് നിർവഹിക്കുന്നത്.
ആനയും ആനപ്പിണ്ടവും ചന്ദനത്തിരിയും പ്രധാന കഥാപാത്രങ്ങളായി എത്തുന്ന പുണ്യാളന്‍ അഗര്‍ബത്തീസ് 2013-ല്‍ പുറത്തിറങ്ങി ഗംഭീര വിജയം കൈവരിച്ച ചിത്രമാണ്.
ജയസൂര്യയുടെ കരിയറിലെ ഏറ്റവും മികച്ച കഥാപാത്രങ്ങളിലൊന്നായി പുണ്യാളന്‍ അഗര്‍ബത്തീസിലെ ജോയ് താക്കോല്‍ക്കാരന്‍ മാറി.
അജു വര്‍ഗീസിന്റെ ഗ്രീനുവും, ശ്രീജിത്ത് രവിയുടെ അഭയ് കുമാറുമെല്ലാം പ്രേക്ഷകശ്രദ്ധ പിടിച്ചുപറ്റിയ വേഷങ്ങളായിരുന്നു.
ഡ്രീംസ് ആന്‍ഡ് ബിയോണ്ട് ബാനറില്‍ ജയസൂര്യയും രഞ്ജിത് ശങ്കറും ചേര്‍ന്നാണ് ചിത്രം നിര്‍മിക്കുന്നത്.
രഞ്ജിത് ശങ്കര്‍ തന്നെയാണ് ചിത്രത്തിന്റെ തിരക്കഥയും രചിച്ചിരിക്കുന്നത്.
