മിഥുന്‍ രമേശ്, ദിവ്യ പിളള എന്നിവരെ കേന്ദ്ര കഥാപാത്രങ്ങളാക്കി രാജു ചന്ദ്ര സംവിധാനം ചെയ്യുന്ന ജിമ്മി ഈ വീടിന്റെ ഐശ്വര്യം എന്ന ചിത്രത്തിന്റെ ട്രെയ്‌ലര്‍ പുറത്തിറങ്ങി. ഗോള്‍ഡന്‍ എസ് പിക്ച്ചേഴ്‌സിന്റെ ബാനറില്‍ ശ്യാംകുമാര്‍,സിനോ ജോണ്‍ തോമസ് എന്നിവര്‍ ചേര്‍ന്നാണ് ചിത്രം നിര്‍മ്മിച്ചത്.
സുരാജ് വെഞ്ഞാറമൂട്, ഹരീഷ് കണാരന്‍, ജോയ് മാത്യു, ഇടവേള ബാബു, ജോണി ആന്റണി, നിര്‍മല്‍ പാലാഴി, സുനില്‍ സുഗത, ശശി കലിംഗ, സുബീഷ് സുധി, നിസാം കാലിക്കറ്റ്, ശ്രീജ രവി, വീണ നായര്‍, നിഷ മാത്യു എന്നിവരും ചിത്രത്തില്‍ വേഷമിടുന്നു.
ഹോളിവുഡ് സിനിമയില്‍ പ്രധാന താരമായി അഭിനയിച്ച സൂപ്പര്‍ ഡോഗ് ആദ്യമായി ഒരു ഇന്ത്യന്‍ സിനിമയില്‍ അഭിനയിക്കുന്നു എന്ന പ്രത്യേകത കൂടി ഈ സിനിമയ്ക്കുണ്ട്. ഷാനവാസ് അബ്ബാസാണ് ചിത്രത്തിന്റെ തിരക്കഥ എഴുതിയിരിക്കുന്നത്. സംഗീതം എം.ജയചന്ദ്രന്‍, ഛായാഗ്രഹണം അനില്‍ ഈശ്വര്‍, കഥ അനൂപ് മോഹനാണ് നിര്‍വഹിക്കുന്നത്.
