വടകര: മുഖ്യമന്ത്രി പിണറായി വിജയനെതിരെ ജിഷ്ണു പ്രണോയിയുടെ അമ്മ മഹിജ രംഗത്ത്.
തിരുവനന്തപുരത്ത് സമരം അവസാനിപ്പിച്ച് ഒരു മാസം കഴിഞ്ഞിട്ടും മുഖ്യമന്ത്രി പിണറായി വിജയന്‍ നല്‍കിയ വാഗ്ദാനങ്ങളൊന്നും പാലിച്ചില്ലെന്ന് മഹിജ പറഞ്ഞു.
റോഡിലൂടെ വലിച്ചിഴച്ച പോലീസുകാര്‍ക്കെതിരെ നടപടി ഉണ്ടാകുമെന്നത് ഉള്‍പ്പെടെയുള്ള ഉറപ്പുകള്‍ മുഖ്യമന്ത്രി നല്‍കിയിരുന്നു. ഇതേത്തുടര്‍ന്നാണ് സമരം അവസാനിപ്പിച്ചത്. എന്നാല്‍, ഇതുവരെ ഒരു നടപടിയും ഉണ്ടായിട്ടില്ലെന്നും മഹിജ ചൂണ്ടിക്കാട്ടി.
അന്വേഷണം അട്ടിമറിച്ച പൊലീസുകാര്‍ക്ക് എതിരെയും നടപടി ഉണ്ടായിട്ടില്ലെന്നും സുപ്രീംകോടതിയിലാണ് ഇനി പ്രതീക്ഷയുള്ളതെന്നും മഹിജ കൂട്ടിച്ചേര്‍ത്തു.
