1999ല്‍ ആമിര്‍ ഖാന്‍, നസറുദ്ദീന്‍ ഷാ, സൊനാലി ബിന്ദ്ര എന്നിവര്‍ പ്രധാന വേഷങ്ങളിലെത്തിയ ചിത്രമാണ് സര്‍ഫരോഷ്. ഇപ്പോള്‍ സംവിധായകന്‍ ജോണ്‍ മാത്യു മാത്തന്‍ സര്‍ഫരോഷ് 2 നിര്‍മ്മിക്കാനൊരുങ്ങുകയാണ്. ജോണ്‍ അബ്രഹാം ആണ് സര്‍ഫരോഷ് 2ല്‍ പ്രധാന വേഷത്തിലെത്തുന്നത്. ചിത്രം അടുത്ത വര്‍ഷം ആരംഭിക്കും.
ദേശീയതയും ദേശസ്‌നേഹവും പ്രധാന കഥാതന്തുവായ ചിത്രം കൂടിയാണ് സര്‍ഫരോഷ് 2. ഏഴ് വര്‍ഷത്തെ ഗവേഷണത്തിനു ശേഷമാണ് സംവിധായകന്‍ വീണ്ടും ചിത്രമെടുക്കാനൊരുങ്ങുന്നത്.
ആഗസ്റ്റ് 10ന് റിലീസ് ചെയ്യാനിരിക്കുന്ന സത്യമേവ ജയതേ ആണ് ജോണ്‍ അബ്രഹാമിന്റെ അടുത്ത ചിത്രം. റോബി ഗ്രിവലിന്റെ ബത്‌ല ഹൗസിലും ജോണ്‍ അബ്രഹാം പ്രധാന വേഷത്തിലെത്തുന്നുണ്ട്.
