കോഴിക്കോട്: കൂടത്തായി കൊലപാതക പരമ്പരിയിലെ മുഖ്യപ്രതി ജോളിയെ ഒരു കൊലപാതക കേസില്‍ കൂടി അറസ്റ്റ് ചെയ്തു. ജോളിയുടെ രണ്ടാം ഭര്‍ത്താവ് ഷാജുവിന്റെ മകള്‍ ആല്‍ഫൈന്റെ കൊലപാതക കേസിലാണ് പുതിയ അറസ്റ്റ്. തിരുവമ്പാടി സിഐ ആണ് ജോളി കസ്റ്റഡിയില്‍ കഴിയുന്ന കോഴിക്കോട് ജില്ലാ ജയിലിലെത്തി അറസ്റ്റ് രേഖപ്പെടുത്തിയത്.
ആല്ഫൈന് നല്‍കിയ ഭക്ഷണത്തില്‍ സയനൈഡ് ചേര്‍ത്തുവെന്ന് ജോളി അന്വേഷണ സംഘത്തിന് മൊഴി നല്‍കിയിരുന്നു.ഇതിന്റെ അടിസ്ഥാനത്തിലാണ് ആല്ഫൈന് വധക്കേസില്‍ ജോളിയുടെ അറസ്റ്റ് രേഖപ്പെടുത്തിയിരിക്കുന്നത്. ഭക്ഷണത്തില്‍ സയനൈഡ് കലര്‍ത്തിസിലിയെ കൊലപ്പെടുത്തിയെന്നാണ് ജോളിക്കെതിരായ കേസ്.
ഷാജുവിന്റെ ആദ്യ ഭാര്യ സിലിയുടെ കൊലപാതകത്തില്‍ മാത്യുവിനെയും മകള്‍ ഒന്നര വയസുകാരി ആല്‍ഫൈന്റെ കൊലപാതക കേസില്‍ ജോളിയെയും സ്റ്റഡി അപേക്ഷകള്‍ പൊലീസ് നാളെ താമരശ്ശേരി കോടതിയി സമര്‍പ്പിക്കും. താമരശ്ശേരി കോടതിയിലാണ് അപേക്ഷ സമര്‍പ്പിക്കുക.
ഇന്നലെ സിലി കൊലക്കേസില്‍ മാത്യുവിന്റ അറസ്റ്റ് രേഖപ്പെടുത്തി. സിലിയെ കൊല്ലാന്‍ സയനൈഡ് വാങ്ങിത്തന്നത് മാത്യുവാണെന്ന് ജോളിയുടെ മൊഴിയുടെ അടിസ്ഥാനത്തിലാണ് അറസ്റ്റ്.സിലിയുടെ സ്വര്‍ണാഭരണങ്ങള്‍ കാണാതായ കേസിലും അന്വേഷണം പുരോഗമിക്കുകയാണ്.
