ജോര്‍ദാന്‍: വിഖ്യാത ചിത്രകാരന്‍ ലിയനാര്‍ഡോ ഡാവിഞ്ചിയുടെ ചിത്രമായ ‘യേശുവിന്റെ അവസാനത്തെ അത്താഴം’ ചിത്രത്തെ മോശമായി ചിത്രീകരിച്ച പ്രമുഖ ജോര്‍ദാനിയന്‍ പ്രസാധകനും റേഡിയോ ഷോ അവതാരകനുമായ മുഹമ്മദ് അല്‍ വാക്കീലിനെ പൊലീസ് അറസ്റ്റ് ചെയ്തു.
സെലിബ്രറ്റി തുര്‍ക്കിഷ് ചെഫ് നസ്‌റെറ്റ് ഗോക്‌സ് യേശുവിന് പകരമായി നില്‍ക്കുന്ന ചിത്രമാണ് അല്‍ വാക്കില്‍ പ്രസിദ്ധീകരിച്ചത്. ഈ ചിത്രം ജോര്‍ദാനിലെ ക്രിസ്ത്യന്‍ സമൂഹത്തിനിടയില്‍ ശക്തമായ പ്രതിഷേധം ശക്തമായിരുന്നു.
പ്രതിഷേധത്തെ തുടര്‍ന്ന് ചിത്രത്തെ വാക്കീല്‍ നീക്കം ചെയ്യുകയും മാപ്പ് പറയുകയും ചെയ്തു. എന്നാല്‍ ഈ വിഷയത്തില്‍ കുടുതല്‍ പരാതി ലഭിച്ചതിന്റെ അടിസ്ഥാനത്തിലാണ് അന്വേഷണാത്മകമായി മുഹമ്മദ് അല്‍ വാക്കീലിനെ പൊലീസ് അറസ്റ്റ് ചെയ്തത്.
