കേരളാ ബ്ലാസ്‌റ്റേഴ്‌സിന്റെ പ്രിയതാരം ഹോസു കുറെയിസ് ഇനി സ്പാനിഷ് മൂന്നാം ഡിവിഷന്‍ ക്ലബ്ബായ യു.ഇ ലാഗോസ്റ്ററയ്ക്ക് സ്വന്തം. ഇതോടെ അഞ്ചാം സീസണിലും ബ്ലാസ്റ്റേഴ്സ് നിരയില്‍ ഹോസു ഉണ്ടാകില്ലെന്ന് ഉറപ്പായി.
കേരളത്തില്‍ ധാരാളം ആരാധകരുളള താരമാണ് ഹോസു. 2015ല്‍ ബ്ലാസ്‌റ്റേഴ്‌സിലെത്തിയ താരം രണ്ട് സീസണുകളിലാണ് ബ്ലാസ്റ്റേഴ്സിന് വേണ്ടി കുപ്പായം അണിഞ്ഞത്.
സ്പാനിഷ് ക്ലബ്ബിലേക്കുള്ള ഹോസുവിന്റെ സൈനിംഗ് ട്വിറ്ററിലൂടെയാണ് ക്ലബ് പ്രഖ്യാപിച്ചത്. കേരളത്തില്‍ ധാരാളം ആരാധകരുള്ള താരം 2009ല്‍ സ്പാനിഷ് വമ്പന്മാരായ ബാഴ്‌സലോണയുടെ യൂത്ത് അക്കാദമിയായ ലാ മാസിയയില്‍ എത്തിയതോടെയാണ് ആരാധക ശ്രദ്ധ പിടിച്ചുപറ്റിയത്.
തന്റെ സ്വന്തം പോസിഷനായ മിഡ് ഫീല്‍ഡ് വിട്ട് ടീമിന് വേണ്ടി ലെഫ്റ്റ് ബാക്ക് പൊസിഷനില്‍ കളിച്ച താരം കളിയോടുള്ള തന്റെ ആത്മാര്‍ത്ഥത കൊണ്ട് കേരളത്തില്‍ ധാരാളം ആരാധകരെ സൃഷ്ടിച്ചു. കേരളം വിട്ടെങ്കിലും ബ്ലാസ്‌റ്റേഴ്‌സിനെ ഇപ്പോഴും മനസില്‍ സൂക്ഷിക്കുന്ന താരം മഞ്ഞകുപ്പായത്തില്‍ കളിക്കുവാനുള്ള തന്റെ ആഗ്രഹം ട്വിറ്ററില്‍ കഴിഞ്ഞയിടെ പ്രകടമാക്കിയിരുന്നു.
