അങ്കമാലി ഡയറീസ്, ആട് 2 എന്നീ സൂപ്പര്‍ഹിറ്റ് ചിത്രങ്ങള്‍ക്കു ശേഷം പുതിയ പ്രൊജക്ടുമായി ഫ്രൈഡേ ഫിലിംസ് എത്തുന്നു. വിജയ് ബാബു തന്നെയാണ് ഫേസ്ബുക്ക് പേജിലൂടെ ഇക്കാര്യം അറിയിച്ചത്.
ആട് ഒരു ഭീകരജീവിയാണ് എന്ന സിനിമയിലൂടെയാണ് കമ്പനി ശ്രദ്ധേയമായത്. തിയേറ്ററില്‍ പരാജയമായിരുന്നെങ്കിലും സിനിമയുടെ രണ്ടാം ഭാഗമെടുത്ത് ഞെട്ടിച്ചിരുന്നു. അതിനിടെ അടി കപ്പ്യാരെ കൂട്ടമണി എന്ന ചിത്രവും ശ്രദ്ധിക്കപ്പെട്ടിരുന്നു. എന്നാല്‍ ലിജോ ജോസ് പെല്ലിശ്ശേരിയുടെ സംവിധാനത്തില്‍ എത്തിയ അങ്കമാലി ഡയറീസ് സൂപ്പര്‍ ഹിറ്റായതോടെ ഫ്രൈഡേ ഫിലിം ഹൗസും വിജയിച്ചു.
ഇപ്പോഴിതാ ‘ജൂണ്‍’ എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ അണിയറ പ്രവര്‍ത്തകര്‍ പുറത്തിറക്കിയിരിക്കുകയാണ്. ചിത്രത്തിന്റെ ഷൂട്ടിംഗ് ജൂലൈ 11ന് ആരംഭിക്കും. അങ്കമാലി ഡയറീസ് പോലെ തന്നെ പുതിയ സിനിമയിലും പരിചയമുള്ള താരങ്ങള്‍ക്കൊപ്പം മുഖ്യ കഥാപാത്രങ്ങളെ അവതരിപ്പിക്കുന്നത് പുതുമുഖങ്ങളായിരിക്കുമെന്നാണ് നിര്‍മാതാവ് വിജയ് ബാബു പറയുന്നത്. സിനിമയുടെ പ്രഖ്യാപനം നടത്തിയെങ്കിലും അതിനെ കുറിച്ചുള്ള കൂടുതല്‍ വിവരങ്ങളൊന്നും താരം പുറത്ത് വിട്ടിട്ടില്ല.
