കോഴിക്കോട്: വയനാട്ടില്‍ കാട്ടാനയുള്‍പ്പെടെയുള്ള വന്യമൃഗങ്ങളുടെ ശല്യം രൂക്ഷമായ സാഹചര്യത്തില്‍ പ്രതികരണവുമായി കെ.മുരളീധരന് എംപി. കാട്ടാനകള്‍ക്ക് റേഡിയോ കോളര്‍ ഘടിപ്പിക്കുന്നത് ശരിയല്ല. നാട്ടില്‍ ഇറങ്ങുന്ന ആനകളെ കൂട്ടിലടക്കണം. നാട്ടില്‍ ജീവിക്കുന്ന ആന പ്രേമികള്‍ക്ക് കര്‍ഷകരുടെ ദുരിതം അറിയില്ല. കര്‍ഷകര്‍ക്കെതിരെ എടുത്ത കേസുകള്‍ പിന്‍വലിക്കണം. അല്ലെങ്കില്‍ പ്രക്ഷോഭം നടത്തും.സ്വന്തം ജീവന് വേണ്ടി സമരം ചെയ്യുന്നവര്‍ക്കെതിരെ കേസ് എടുക്കുന്നത് ശരിയല്ല.
മൃഗങ്ങളെ ആരും കാട്ടില്‍ പോയി കണ്ട് മുട്ടുന്നില്ല..ആന പ്രേമികള്‍ക്ക് കര്‍ഷകരുടെ സ്ഥിതി അറിയില്ല. ആന പ്രേമികളാണ് തണ്ണീര്‍ കൊമ്പന്‍ ചെരിയാന്‍ കാരണം. രാഹുല്‍ ഗാന്ധി വയനാട്ടില്‍ എത്താന്‍ വൈകിയെന്ന് വിമര്‍ശിക്കുന്ന വി മുരളീധരന് കാര്യങ്ങള്‍ അറിയില്ല. വി.മുരളീധരന് ഒരു പഞ്ചായത്ത് മെംബര്‍ പോലും ആയിട്ടില്ലെന്നും കെ മുരളീധരന് പരിഹസിച്ചു.
