ഹൃത്വിക് റോഷന്‍ നായകനാകുന്ന പുതിയ ചിത്രം ‘കാബിലി’ന്റെ രണ്ടാമത്തെ ട്രെയിലര്‍ പുറത്തിറങ്ങി. മികച്ച പ്രതികരണമാണ് രണ്ട് മിനിറ്റ് ദൈര്‍ഘ്യമുള്ള ട്രെയിലറിന് ലഭിക്കുന്നത്. ഇതിനോടകം മൂന്ന് ലക്ഷത്തിലധികം ആളുകള്‍ കണ്ടുകഴിഞ്ഞു.
സഞ്ജയ് ഗുപ്ത സംവിധാനം ചെയ്യുന്ന ചിത്രത്തില്‍ യാമി ഗൗതമാണ് ഹൃത്വിക്കിന്റെ നായികയായി എത്തുന്നത്.റോണിത് റോയ്, റോഹിത് റോയ്, നരേന്ദ്ര ജാ, ഗിരിഷ് കുല്‍ക്കര്‍ണി എന്നിവരും ചിത്രത്തില്‍ സുപ്രധാന വേഷങ്ങളില്‍ എത്തുന്നുണ്ട്.
ഹൃത്വിക്കും യാമിയും കാഴ്ചയില്ലാത്തവരായാണ് ചിത്രത്തില്‍ എത്തുന്നത്. രാകേഷ് റോഷനാണ് ചിത്രം നിര്‍മ്മിച്ചിരിക്കുന്നത്.
