കാര്‍ത്തി നായകനാവുന്ന ചിത്രം കടൈക്കുട്ടി സിങ്കത്തിന്റെ ഓഡിയോ റിലീസിങ് ജൂണ്‍ 11 ന്. ദേശീയ അവാര്‍ഡ് ജേതാവായ പാണ്ഡിരാജ് സംവിധാനം ചെയ്യുന്ന ചിത്രം നിര്‍മിക്കുന്നത് കാര്‍ത്തിയുടെ സഹോദരനും നടനുമായ സൂര്യയുടെ 2ഡി എന്റര്‍ടൈന്‍മെന്റാണ്.
സായേഷ, പ്രിയ ഭവാനി ശങ്കര്‍ എന്നിവരാണ് ചിത്രത്തിലെ നായിക കഥാപാത്രങ്ങള്‍ അവതരിപ്പിക്കുന്നത്. തമിഴിലും തെലുങ്കിലും ഒരേസമയം പുറത്തിറങ്ങുന്ന ചിത്രം ഗ്രാമീണ പശ്ചാത്തലമുള്ള കഥയാണ് പറയുന്നത്.
കര്‍ഷക പ്രശ്‌നങ്ങള്‍ക്ക് പ്രാധാന്യം നല്‍കുന്ന ചിത്രമായ കടൈക്കുട്ടി സിങ്കത്തില്‍ കോമഡിയും കടന്നു വരുന്നുണ്ട്. അര്‍ത്ഥന ബിനു, സത്യരാജ്, ഭാനുപ്രിയ, വിജി ചന്ദ്രശേഖര്‍, പൊന്‍വണ്ണന്‍, സൂരി,ശ്രിമാന്‍ എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
