കാലടി : സനല്‍ വധക്കേസിലെ പ്രധാന പ്രതികള്‍ പിടിയില്‍. അജി എല്‍ദോ, ടോണി, ഗ്രിന്റെഷ്, കാര രതീഷ് എന്നിവരാണ് അറസ്റ്റിലായത്.
കൊലപാതകത്തിന് ശേഷം ഒളിവില്‍ കഴിയുകയായിരുന്ന പ്രതികളെ മംഗളൂരുവില്‍ നിന്ന് ഇന്ന് പുലര്‍ച്ചയാണ് പിടികൂടിയത്.
കഴിഞ്ഞ മാസം ഇരുപത്തിനാലാം തീയതിയാണ് കൈപ്പട്ടൂര്‍ സ്വദേശി ഇഞ്ചക്ക സനലിനെ കാലടിയില്‍ പട്ടാപകല്‍ സംഘം ചേര്‍ന്ന് വെട്ടി കൊലപ്പെടുത്തിയത്.
ഗുണ്ടാ പകയാണ് ആക്രമണത്തിനു പിന്നിലെന്ന് പൊലീസ് കണ്ടെത്തിയിരുന്നു. കൊലപാതകത്തിന് സഹായം നല്‍കിയ പ്രായപൂര്‍ത്തിയാകാത്ത ഒരാളടക്കം ഏഴു പേര്‍ നേരത്തെ അറസ്റ്റിലായിരുന്നു.
