കൊച്ചി: കളമശ്ശേരി സ്ഫോടന കേസ് പ്രതി ഡൊമിനിക് മാര്ട്ടിനെ 10 ദിവസം പൊലീസ് കസ്റ്റഡിയില് വിട്ട് കോടതി. പ്രതിയുടെ രാജ്യാന്തര ബന്ധം അന്വേഷിക്കണമെന്നും പ്രതിയെ പത്തിലേറെ സ്ഥലങ്ങളിലെത്തിച്ച് തെളിവെടുക്കണമെന്നും പൊലീസ് കോടതിയോട് അറിയിച്ചു. അതേ സമയം അഭിഭാഷകന് വേണ്ടെന്ന നിലപാടിലാണ് പ്രതി ഡൊമിനിക് മാര്ട്ടിന്. പൊലീസിനെതിരെ പരാതിയില്ലെന്നും താന് ആരോഗ്യവാനാണെന്നും ഇയാള് പറഞ്ഞു.
പതിനഞ്ച് വര്ഷത്തിലേറെ കാലം ദുബായില് ഇയാള് ജോലി ചെയ്തതുകൊണ്ട് അവിടെയുളള ബന്ധങ്ങള് അന്വേഷിക്കേണ്ടതാവശ്യമാണ്. ഇതിന് വിശദമായി ചോദ്യം ചെയ്യണം. ഇക്കാര്യങ്ങള്ക്ക് വേണ്ടിയാണ് പൊലീസ് 10 ദിവസത്തെ കസ്റ്റഡി ആവശ്യപ്പെട്ടത്. സ്ഫോടന വസ്തുക്കള് മാര്ട്ടിന് പല സ്ഥലങ്ങളില് നിന്നാണ് മാര്ട്ടിന് വാങ്ങിയത്. ഇവ എവിടെ നിന്നൊക്കെയാണ് വാങ്ങിച്ചത് അതിനുള്ള പണം എവിടെ നിന്ന് ലഭിച്ചു എന്നുള്ള കാര്യങ്ങള് കൂടി പൊലീസിന് പരിശോധിക്കേണ്ടതുണ്ട്. ഇക്കാര്യവും പൊലീസ് കോടതിയില് ആവശ്യപ്പെട്ടിരുന്നു.
അടുത്ത പതിനഞ്ചാം തീയതി വരെയാണ് കോടതി മാര്ട്ടിനെ കസ്റ്റഡിയില് വിട്ടിരിക്കുന്നത്. പൊലീസുമായി എല്ലാത്തരത്തിലും സഹകരിക്കുന്നുണ്ടെന്നും തനിക്ക് പൊലീസിനെതിരെ പരാതിയൊന്നുമില്ലെന്നും മാര്ട്ടിന് കോടതിയില് പറഞ്ഞു. വൈദ്യപരിശോധന നടപടികള് പൂര്ത്തിയാക്കിയതിന് ശേഷമാണ് ഇയാളെ കോടതിയിലെത്തിച്ചത്. നിലവില് മാര്ട്ടിന്റെ ഫോണ് ഫോറന്സിക് പരിശോധനക്ക് അയച്ചിട്ടുണ്ട്.