ചെന്നൈ: കോണ്‍ഗ്രസ്സ് അധ്യക്ഷനായി ചുമതലയേറ്റ രാഹുല്‍ ഗാന്ധിക്ക് അഭിനന്ദനവുമായി നടന്‍ കമല്‍ ഹാസന്‍ രംഗത്ത്.
ട്വിറ്ററിലൂടെയാണ് കമല്‍ രാഹുലിനെ അഭിനന്ദിച്ചത്.
‘അഭിനന്ദനങ്ങള്‍ മിസ്റ്റര്‍ രാഹുല്‍ ഗാന്ധി. നിങ്ങളുടെ സ്ഥാനം നിങ്ങളെ നിര്‍വചിക്കില്ല. എന്നാല്‍ നിങ്ങള്‍ക്ക് നിങ്ങളുടെ പദവിയെ നിര്‍വചിക്കാന്‍ സാധിക്കും. നിങ്ങളുടെ മുന്‍ഗാമികളെ ഞാന്‍ ആരാധിച്ചിരുന്നു. എനിക്കുറപ്പാണ് നിങ്ങള്‍ പ്രവര്‍ത്തിക്കുമെന്നും എന്റെ ആരാധനയ്ക്ക് പാത്രമാകുമെന്നും. നിങ്ങളുടെ ചുമലുകള്‍ക്ക് കരുത്തുണ്ടാകട്ടെ കമല്‍ ട്വിറ്ററില്‍ കുറിച്ചു.
Congratulations Mr. Rahul.G. Your seat does not define you but you can define your position. I have admired your elders. I am sure you would work and deserve my admiration too. All the strength to your shoulders.
— Kamal Haasan (@ikamalhaasan) December 16, 2017
ഇന്നാണ് രാഹുല്‍ ഗാന്ധി ഇന്ത്യന്‍ നാഷണല്‍ കോണ്‍ഗ്രസ്സിന്റെ പതിനേഴാമത് പ്രസിഡന്റായി ചുമതലയേറ്റത്.
എഐസിസി ആസ്ഥാനത്ത് നടന്ന പ്രൗഢഗംഭീര ചടങ്ങിലാണ് കോണ്‍ഗ്രസ്സിലെ രാഹുല്‍ യുഗത്തിന് തിരിതെളിച്ചത്.
അമ്മയും നിലവിലെ പ്രസിഡന്റുമായ സോണിയാ ഗാന്ധിയില്‍ നിന്നാണ് രാഹുല്‍ പാര്‍ട്ടിയുടെ ചുമതല ഏറ്റെടുത്തത്.
