കര്‍ണാടക: സിനിമാക്കാരുടെ രാഷ്ട്രീയ രംഗപ്രവേശം പുതുമയല്ല.
കുശ്ബു, പ്രഭു, ശരത് കുമാര്‍, ബാലകൃഷ്ണ തുടങ്ങി തമിഴിലും തെലുങ്കിലുമായി നിരവധി താരങ്ങള്‍ ഇപ്പോള്‍ രാഷ്ട്രീയത്തിലുണ്ട്.
ഈ പട്ടികയിലേക്ക് പുതിയ പാര്‍ട്ടിയുമായി കടന്നിരിക്കുകയാണ് കന്നഡ സൂപ്പര്‍ താരം ഉപേന്ദ്ര.
തന്റെ പുതിയ രാഷ്ട്രീയ പാര്‍ട്ടി താരം പ്രഖ്യാപിച്ചു കഴിഞ്ഞു. കര്‍ണാടക പ്രഗ്‌ന്യാവന്ത ജനത പക്ഷ എന്നാണ് പാര്‍ട്ടിയുടെ പേര്.
സാധാരണക്കാര്‍ക്ക് വേണ്ടിയാണ് തന്റെ പാര്‍ട്ടിയെന്നും രാഷ്ട്രീയത്തില്‍ സുതാര്യത ഉറപ്പുവരുത്തുകയാണ് ലക്ഷ്യമെന്നും പാര്‍ട്ടി പ്രഖ്യാപിച്ച് ഉപേന്ദ്ര പറഞ്ഞു.
വരുന്ന നിയമസഭ തിരഞ്ഞെടുപ്പില്‍ മുഴുവന്‍ സീറ്റുകളിലും മത്സരിക്കുമെന്നും ഉപേന്ദ്ര പ്രഖ്യാപിച്ചു.
