കണ്ണൂര്‍: കണ്ണൂര്‍ സെന്‍ട്രല്‍ ജയിലിനുള്ളില്‍ തടവുകാര്‍ മദ്യപിച്ചതായി പരാതി. കണ്ണൂര്‍ സെന്‍ട്രല്‍ ജയിലിലെ അഞ്ചാം ബ്ലോക്കിലെ സെല്ലിലെ തടവുകാരാണ് മദ്യപിച്ചതെന്നാണ് വിവരം.
വധക്കേസ് പ്രതികളായ മൂന്നുപേരുള്‍പ്പെടെ അഞ്ചു തടവുകാരാണ് കൂട്ടം കൂടിയിരുന്നു മദ്യപിച്ചത്. സെല്ലിലെ സഹതടവുകാര്‍ എതിര്‍ത്തതോടെയാണു ജയില്‍ ഉദ്യോഗസ്ഥര്‍ വിവരമറിഞ്ഞത്.
അതേസമയം മദ്യപാനം പിടിച്ചതിന് ശേഷം ഇന്നു രാവിലെ ഇതേ ബ്ലോക്കിന്റെ പുറകില്‍ നിന്നും കഞ്ചാവും ലഭിച്ചിരുന്നു. മദ്യപാനം പിടിക്കപ്പെട്ടതിനാല്‍ പരിശോധനയുണ്ടാകുമെന്നു കരുതി സെല്ലില്‍ നിന്നു പുറത്തേക്കെറിഞ്ഞതാണ് കഞ്ചാവ് പൊതിയെന്നാണ് സൂചന.
