ഫഹദ് ഫാസിലിനെ കേന്ദ്രകഥാപാത്രമാക്കി വേണു സംവിധാനം ചെയ്യുന്ന ചിത്രമാണ് ‘കാർബൺ’.
ചിത്രത്തിന്റെ ടൈറ്റില്‍ പോസ്റ്റര്‍ അണിയറ പ്രവർത്തകർ പുറത്ത് ഇറക്കി.
ഒരു ഗ്രാമീണ യുവാവായി ഫഹദ് എത്തുന്ന ചിത്രത്തിൽ മംമ്‌താ മോഹൻദാസാണ് നായിക.
വേണുവിന്റെ ഇതുവരെയുള്ള ചിത്രങ്ങളിൽ നിന്നും വ്യത്യസ്‌തമായി ഒരു കൊമേർഷ്യൽ എന്റർടെയ്‌നർ ആയിരിക്കും കാർബൺ എന്ന് ചിത്രത്തിന്റെ നിർമ്മാതാവ് സിബി തോട്ടുപുറം പറഞ്ഞു.
ദിലീഷ് പോത്തൻ, നെടുമുടിവേണു, സൗബിൻ ഷാഹിർ, വിജയരാഘവൻ എന്നിവർ പ്രധാന കഥാപാത്രങ്ങളായി എത്തുന്ന ചിത്രത്തിന്റെ സംഗീതം വിശാൽ ഭരദ്വാജാണ് നിർവഹിച്ചിരിക്കുന്നത്.
