ശ്രീനഗര്‍: അതി ശൈത്യത്തിന്റെ പിടിയിലമര്‍ന്ന് ജമ്മുകശ്മീര്‍, പലയിടങ്ങളിലും താപനില മൈനസ് ആയി. ലഡാക്ക് മേഖലയിലെ കാര്‍ഗിലില്‍ രാത്രി താപനില മൈനസ് 20 ഡിഗ്രിയിലെത്തി. ലേ പട്ടണത്തില്‍ മൈനസ് 10.9 ഡിഗ്രിയും കശ്മീര്‍ താഴ്‌വരയില്‍ മൈനസ് 4.3 ഡിഗ്രിയുമാണ്.
അമര്‍നാഥ് യാത്ര തുടങ്ങുന്ന പഹല്‍ഗാമില്‍ മൈനസ് 5.6 ഡിഗ്രിയായി. ഉത്തര കശ്മീരിലെ ഗുല്‍മാര്‍ഗില്‍ മൈനസ് 6.4 വരെയെത്തി. മറ്റു നഗരങ്ങളിലെ താപനില: ക്വാസിഗുഡ്4.2, കൊകെര്‍നാഗ്1.8, കുപ്വാര4.8. അടുത്ത ദിവസങ്ങളിലും ശീതക്കാറ്റ് തുടരുമെന്നു കാലാവസ്ഥാ നിരീക്ഷണ കേന്ദ്രം വ്യക്തമാക്കി.
