കാസര്‍ഗോഡ്: കാസര്‍ഗോഡ്- മംഗളുരു ദേശീയപാതയില്‍ പാചകവാതക ടാങ്കര്‍ ലോറി മറിഞ്ഞ് വാതകച്ചോര്‍ച്ചയുണ്ടായി. കാസര്‍ഗോഡ് അടുക്കത്ത് ബയലിനടുത്ത് വച്ച് പുലര്‍ച്ചെ ഒന്നരയോടെയാണ് അപകടമുണ്ടായത്.
പാചകവാതകവുമായി പോയ ബുള്ളറ്റ് ടാങ്കര്‍ നിയന്ത്രണം വിട്ട് മറിയുകയായിരുന്നു. ഇതില്‍ നിന്ന് വാതകം ചോര്‍ന്നതിനാല്‍ അഗ്‌നിശമന സേന ഉടനെത്തി ചോര്‍ച്ച അടച്ചു. സമീപത്തെ കുടുംബങ്ങളെ സ്ഥലത്ത് നിന്ന് ഒഴിപ്പിച്ചിട്ടുണ്ട്.
ടാങ്കറിലെ വാതകം മറ്റൊരു ടാങ്കറിലേക്ക് മാറ്റികൊണ്ടിരിക്കുകയാണ്. ആറ് മണിക്കൂര്‍ നേരത്തേക്ക് വാഹനങ്ങൾ വഴി തിരിച്ച് വിടുമെന്ന് പൊലീസ് അറിയിച്ചു.
