ശ്രീനഗര്‍: അജ്ഞാതര്‍ വെടിവെച്ച് കൊലപ്പെടുത്തിയ കശ്മീരിലെ റൈസിങ് പത്രത്തിന്റ എഡിറ്ററായിരുന്ന ഷുജാത് ബുഖാരിയ്ക്ക് ആദരാജ്ഞലി അര്‍പ്പിക്കാന്‍ എത്തിയത് ആയിരങ്ങള്‍.
വ്യാഴ്ച വൈകിട്ട് ഏഴുമണിയോടെയായിരുന്നു ശ്രീനഗറിലെ പ്രസ് കോളനിയില്‍ വെച്ച് ഷുജാത് ബുഖാരിക്ക് വെടിയേറ്റത്. നിരവധി തവണ ബുഖാരിക്ക് നേരെ അക്രമികള്‍ വെടിയുതിര്‍ത്തുവെന്നാണ് റിപ്പോര്‍ട്ടുകള്‍ പറയുന്നത്.
സംഭവത്തെ തുടര്‍ന്ന് പ്രതികളെന്ന് സംശയിക്കുന്ന മൂന്നുപേര്‍ ബൈക്കില്‍ പോകുന്നതിന്റെ സിസിടിവി ദൃശ്യങ്ങള്‍ പുറത്തുവന്നിരുന്നു. പൊലീസാണ് ദൃശ്യങ്ങള്‍ പുറത്തു വിട്ടത്. അക്രമികളെ തിരിച്ചറിയാന്‍ പൊലീസ് ജനങ്ങളുടെ സഹായം തേടിയിരുന്നു. ഇതിന്റെ ഭാഗമായാണ് ദൃശ്യങ്ങള്‍ പുറത്തു വിട്ടത്
