തമിഴ് സൂപ്പര്‍ താരം വിക്രമിന്റെ ഏറ്റവും പുതിയ ചിത്രം സാമി 2 വിന്റെ ടീസറിനെ പരിഹസിച്ച് നടി കസ്തൂരി രംഗത്ത്. തമിഴ് മസാല പടങ്ങളെ ട്രോളുന്ന തരത്തിലാണ് ഈ സിനിമ ഒരുക്കിയിരിക്കുന്നത്. ആ കളയാക്കലില്‍ വിക്രമിന്റെ സാമിയും ഉള്‍പ്പെടുമെന്നാണ് കസ്തൂരി പറയുന്നത്. വെറും ടെംപ്ലേറ്റ് ഷോട്ടുകള്‍ നിരത്തിയാണ് സാമി 2 വിന്റെ ടീസര്‍ ഒരുക്കിയിട്ടുള്ളതെന്നും കസ്തൂരി ട്വീറ്റ് ചെയ്തു.
ഇത് കണ്ട് രോഷാകുലരായ വിക്രത്തിന്റെ ആരാധകര്‍ കിളവിയായിട്ടും ഐറ്റം ഡാന്‍സ് കളിച്ചുനടക്കാന്‍ നാണമില്ലേയെന്ന് കസ്തൂരിയോട് ചോദിച്ചു.ശശികാന്ത് സംവിധാനം ചെയ്യുന്ന തമിഴ്പടം 2 എന്ന ചിത്രത്തില്‍ ഒരു ഐറ്റം ഡാന്‍സില്‍ കസ്തൂരി അഭിനയിക്കുന്നുണ്ട്.
முந்தா நாளு வந்த டீஸர் ல கலாய்ச்சிருந்த .அத்தனை டெம்பிளேட் சீன்ஸையும் ஒண்ணு சேர்த்து ஒரு ட்ரைலெர். ஸ்ஸ்ஸப்பா !
— Kasturi Shankar (@KasthuriShankar) June 3, 2018
‘മകളുടെ പ്രായം വരുന്ന നടിമാര്‍ക്കൊപ്പം അഭിനയിക്കാന്‍ വിക്രത്തിന് പറ്റുമെങ്കില്‍ ഈ പ്രായത്തില്‍ എനിക്ക് എന്തുകൊണ്ട് ഐറ്റം ഡാന്‍സ് ചെയ്തു കൂടായെന്നായിരുന്നു കസ്തൂരിയുടെ ചോദ്യം. കസ്തൂരിയുടെ ട്വീറ്റുകള്‍ തന്നെയാണ് തമിഴകത്തെ ഇന്നത്തെ ചര്‍ച്ചാവിഷയം. എന്നാല്‍ കസ്തൂരിയുടെ ട്വീറ്റിനോട് വിക്രം ഇതുവരെ പ്രതികരിച്ചിട്ടില്ല.
