ലിജു തോമസ് സംവിധാനം ചെയ്യുന്ന ‘കവി ഉദ്ദേശിച്ചത് ? ‘എന്ന സിനിമയുടെ ആദ്യ ടീസര്‍ പുറത്തിറങ്ങി.
ചെണ്ട മേളത്തിന്റെ പശ്ചാത്തലത്തില്‍ ഒരുക്കിയ ടീസറിന് 36 സെക്കന്റാണ് ദൈര്‍ഘ്യം.
ആദംസ് വേള്‍ഡ് ഓഫ് ഇമാജിനേഷന്റെ ബാനറില്‍ ആസിഫ് അലിയും സജിന്‍ ജാഫറും ചേര്‍ന്ന് നിര്‍മ്മിക്കുന്ന ചിത്രത്തില്‍ ആസിഫിനൊപ്പം ബിജു മേനോന്‍, നരേന്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
അഞ്ജു കുര്യനാണ് ചിത്രത്തിലെ നായികയായി എത്തുന്നത്. ബാലു കുര്യനും ,സുധി കോപ്പയും മറ്റു കഥാപാത്രങ്ങളെ അവതരിപ്പിക്കുന്നു.
പ്രേക്ഷക ശ്രദ്ധയും ,നിരൂപക ശ്രദ്ധയും ആകര്‍ഷിച്ച ‘രമണിയേച്ചിയുടെ നാമത്തില്‍ ‘ എന്ന ഹ്രസ്വചിത്രത്തിന്റെ സംവിധായകനാണ് ലിജു തോമസ്.
ചിത്രത്തിന് തിരക്കഥ എഴുതിയിരിക്കുന്നത് തോമസും ,മാര്‍ട്ടിന്‍ ഡ്യൂറോയും ചേര്‍ന്നാണ്. ജേക്‌സ് ബിജോയ്‌യും വിനു തോമസും ചേര്‍ന്ന് സംഗീതവും നിര്‍വഹിച്ചിരിക്കുന്നു.
ക്യാമറ കൈകാര്യം ചെയ്യുന്നത് ഷെഹനാദ് ജലാല്‍. ഒക്ടോബര്‍ എട്ടിന് ചിത്രം തീയേറ്ററുകളില്‍ പ്രദര്‍ശനത്തിനെത്തും .
