കേരള ബ്ലാസ്‌റ്റേഴ്‌സിന്റെ സ്‌പെയിനിലെ പ്രീസീസണ്‍ പരിശീലനം അവസാനിച്ചു.
ഒരു മാസം നീണ്ട പരിശീലനത്തിനൊടുവിലാണ് ടീം തിരിച്ചെത്തുന്നത്.
പരിശീലനത്തിന്റെ ഭാഗമായി ബ്ലാസ്റ്റേഴ്സ് ഇനി ഇന്ത്യന്‍ ക്ലബുകളുമായിട്ട് ഏറ്റുമുട്ടും.
പ്രമുഖ ക്ലബുകളുമായി ഇതുസംബന്ധിച്ച് ചര്‍ച്ചകള്‍ നടക്കുന്നുണ്ടെന്നാണ് റിപ്പോര്‍ട്ട്.
ഹൈദരാബാദില്‍ നടന്ന പരിശീലന ക്യാമ്പിന് ശേഷമാണ് ബ്ലാസ്റ്റേഴ്സ് സ്‌പെയിനിലേക്ക് പറന്നത്.
ഒരു മാസത്തോളം സ്‌പെയിനിലെ മാര്‍ബലയില്‍ ബ്ലാസ്റ്റേഴ്സ് ടീം പരിശീലനം നടത്തി.
മുഖ്യ പരിശീലകന്‍ റെനെ മ്യൂളസ്റ്റീന്റെ നേതൃത്വത്തിലായിരുന്നു പരിശീലനം നടന്നത്.
