തിരുവനന്തപുരം: അണുനാശിനി ടണലുകള്‍ അശാസ്ത്രീയമാണെന്നും അവ സംസ്ഥാനത്ത് നടത്തില്ലെന്നും ആവര്‍ത്തിച്ച് മുഖ്യമന്ത്രി പിണറായി വിജയന്‍. ഇതിന്റെ അശാസ്ത്രീയത നേരത്തെ പറഞ്ഞതാണ്. ചിലയിടങ്ങളില്‍ അത്തരം ടണലുകള്‍ ഇപ്പോഴും പ്രവര്‍ത്തിക്കുന്നുണ്ട്. അത് ഒഴിവാക്കണമെന്നും മുഖ്യമന്ത്രി വാര്‍ത്താ സമ്മേളനത്തില്‍ വ്യക്തമാക്കി.
ശ്രീചിത്രയില്‍ ഡിസ്ഇന്‍ട്രക്ഷന്‍ ഗേറ്റ് വേ എന്ന പേരില്‍ ശാസ്ത്രീയമായ ഒരു ഗേറ്റ് വേ വികസിപ്പിച്ചിട്ടുണ്ട്. അതുമായി അശാസ്ത്രീയ ടണലുകളെ താരതമ്യം ചെയ്യാനാകില്ലെന്നും അദ്ദേഹം പറഞ്ഞു. ടണലിലൂടെ കടന്നുപോയി സാനിറ്റൈസ് ചെയ്യുക എന്ന പരീക്ഷണം ചിലയിടങ്ങളില്‍ നടന്നിരുന്നു. എന്നാല്‍ അത് അശാസ്ത്രീയമാണെന്നാണ് ആരോഗ്യ വിദഗ്ധര്‍ പറയുന്നത്.
