തിരുവനന്തപുരം: സംസ്ഥാനം പ്രളയക്കെടുതിയില്‍ വലയുമ്പോള്‍ ലോകത്തിന്റെ വിവിധയിടങ്ങളില്‍ നിന്നും നീണ്ടു വന്ന പല സഹായ ഹസ്തങ്ങളും കണ്ട് മലയാളികള്‍ അതിശയിച്ചു നില്‍ക്കുകയാണ്.
ഓരോ സഹായങ്ങളും ഏറെ വിലപ്പെട്ടതാണെങ്കിലും മലയാളികളുടെ മാത്രമല്ല ഇന്ത്യക്കാരുടെ ഒന്നാകെ ഹൃദയത്തെ കുളിര്‍പ്പിച്ച വിലപ്പെട്ട ഒരു സഹായം സോഷ്യല്‍ മീഡിയയില്‍ ചര്‍ച്ചയാകുകയാണ്.
ദുബായില്‍ നിന്നും പാക്കിസ്ഥാന്‍ അസോസിയേഷന്‍ അയച്ച വസ്ത്രങ്ങളുടെ വലിയൊരു പൊതിക്കെട്ടാണ് മലയാളികളുടെ മനസ്സ് നിറച്ചത്.
രാജ്യങ്ങള്‍ തമ്മില്‍ പോരും പടയും നടക്കുമ്പോഴും കേരളം വലിയൊരു ദുരന്തം നേരിടുന്ന ഈ ഘട്ടത്തില്‍ ദുബായ് പാക്കിസ്ഥാനികളുടെ മനസ്സില്‍ നിറഞ്ഞ ദയ കേരളക്കര എന്നും നന്ദിയോടെ സ്മരിക്കും എന്നതില്‍ സംശയം വേണ്ട.
എല്ലാ സഹായങ്ങളും ഏറെ വിലപ്പെട്ടതാണെങ്കിലും പാക്കിസ്ഥാനികളുടെ ഈ പൊതിക്കെട്ട് മനുഷ്യമനസാക്ഷിയുടെ വലിയ ചിത്രമാണ് ലോകത്തിന് പകര്‍ന്നു നല്‍കുന്നത്.
