ന്യൂഡല്‍ഹി: പിണറായി സര്‍ക്കാരിന് സുപ്രീംകോടതിയുടെ രൂക്ഷ വിമര്‍ശനം. ക്വാറികളുടെ ലൈസന്‍സ് പുതുക്കുന്ന വിഷയവുമായി ബന്ധപ്പെട്ടാണ് സംസ്ഥാന സര്‍ക്കാരിനെ സുപ്രീംകോടതി വിമര്‍ശിച്ചത്.
ക്വാറി ഉടമകളുമായി ചേര്‍ന്ന് സര്‍ക്കാര്‍ ഒത്തുകളിക്കുകയാണ്. പാറമടകളുടെ പെര്‍മിറ്റ് പുതുക്കാന്‍ പരിസ്ഥിതി അനുമതി നിര്‍ബന്ധമാണ്. അഞ്ചു ഹെക്ടറില്‍ താഴെയുളള പാറമടകള്‍ക്കും ഈ അനുമതി വേണം.
എല്ലാ സംസ്ഥാനങ്ങളിലും ഇതാണ് സ്ഥിതിയെന്നും സുപ്രീംകോടതി നിരീക്ഷിച്ചു. പരിസ്ഥിതി അനുമതി നിര്‍ബന്ധമാണെന്ന് കേന്ദ്രവും സുപ്രീംകോടതിയെ അറിയിച്ചു.
ക്വാറി ഉടമകളുടെ പെര്‍മിറ്റ് പുതുക്കാന്‍ പരിസ്ഥിതി അനുമതി ആവശ്യമില്ലെന്നാണ് സര്‍ക്കാര്‍ കോടതിയില്‍ നിലപാട് അറിയിച്ചത്. ഇത്തരത്തില്‍ അനുമതി നിര്‍ബന്ധമാക്കിയാല്‍ നിര്‍മ്മാണ പ്രവര്‍ത്തനങ്ങള്‍ നിലക്കുമെന്നും സര്‍ക്കാര്‍ പറഞ്ഞു.
